Renungan : 31 Oktober 2014_Yohanes 17 : 6

RENUNGAN PAGI, 31 OKTOBER 2014

TANGIANG PANGONDIANON NI KRISTUS JESUS

YOHANES 17 : 6

I.        Marende B.E. No. 299 : 1 – 2

II.      Tangiang Patujolo

III.    Manjaha Turpuk Jona 2 : 1 – 10

Martua do angka na tumangihon Hata ni Debata jala na umpeopsa.

IV.    Marende B.E. No. 150 : 2 + 4

V.      Renungan / Jamita : Yohanes 17 : 6

1.      Patujolo

      Ganup hita adong do na mansai istimewa tabahen dingolunta bahkan mansai 100 % talehon rohanta tusi, angka na istimewa i boi do i donganta, keluarganta, manang ianakhonta, Alani i pasti pangaramotionta pe istimewa tabahen, jala dang tahalamohon  gabe adong na hurang, sai tausahon do singkop panghobasionta jala pangaramotionta di angka na istimewa i. Apalagi molo laho hita marhuta sada tu luat na asing tontu mansai tangkas do hita mangaramoti sudena asa unang adong na hurang dapothononta molo mulak hita sian pardalananta. I ma tanda na talehon rohanta jala taistimewahon dingolunta be

2.      Hatorangan

      Di hita angka na hinongkop ni Tuhan Jesus Kristus, jala i do na taida marhite Hata ni Tuhanta di manogot ni ari on i ma taringot pangaramotion ni Tuhanta Jesus Kristus di angka na istimewa dingoluNa  i ma angka siseanNa,  marhite  Tangiang Pangondianon ni Jesus Kristus tu angka siseanNa, andorang tartangkup Tuhan i. Domu tusi ma adong angka piga hal (beberapa hal) na gabe tapahusorhusor jala tarenunghon marhite tangiang pangondianon ni Tuhanta i, i ma :

a.      Pangondianon

      Taboto do missi manang tugas ni Kristus Jesus di portibion i ma paluahon jolma sian hamatean alani dosa, salah satu hapataranna i ma mangondihon jolma na porsea i sian dosa. Hata mangondihon berasal sian kata dasar “ondi” na marlapatan secara Yuridis dibagasan bahasa Indonesia i ma : mangayomi, menanggung, membela. Alani secara Yuridis dipabotohon Tuhan Yesus do status ni angka na dipasahat tu Ibana i ma angka na arga dohot na istimewa do di Tuhan Jesus. I do umbahen hosaNa (nyawa) pe dipasahat laho mambahen sonang jala marolopolop angka na dipasahat tu Ibana.  Jala on do salah satu kepimpinan na ideal dibagasan tingki on i ma memposisikan jala menstatuskan angka na dipimpin arga jala istimewa di ibana.

b.      Yesus menjamin Debata do nampunasa hita (Allah Menjamin Kita MilikNya)

      “...Ho Hian do nampuna nasida, jala dilehon Ho do nasida tu Ahu...” Na mansai arga marhite perikope ni turpuk on i ma paboahon Debata do napunasa hita. Jala lam dipataridahon do marhite panghophon ni Jesus di hau pinarsilang i asa nasa jolma na porsea dohot na manjangkon Jesus na mate di hau pinarsilang berstatus ma gabe Debata do nampunasa dirina dang dirina be nampunasa dirina, songon ende naung taendehon nakkin (B.E. No. 150). Alani i do molo Debata do nampuna dirinta dohot ngolunta ingkon berorientasi tu ngolu ni Debata ma ngolunta, nang pe ingkon adopanta hamaolon ala nunga jumolo Jesus mangadopi hamaolon dohot penolakan, alai ala naung dijamin Debata do hita bahwa Ibana do nampuna ngolunta berarti ndang hea hita malua sian pemeliharaan (pangaradotion) ni Debata.

c.       Yesus menjamin hita mangulahon HataNa

      Sesuatu hal yang sulit dilakukan oleh kita di dunia ini adalah menjamin bahwa seseorang tersebut mampu dan dapat melakukan apa yang menjadi sesuatu hal yang sangat prinsip di dunia ini. On do na taida marhite turpuk on, dijamin Tuhan Jesus do angka siseanNa mangaradoti angka Hata ni Debata. Taboto do Hata ni Debata do parhiteanta, dalanta marsaor dohot Debata doho mananda Debata, jala marhite na mangaradoti HataNa i do hita boi bongot tu bagasan harajaonNa dohot tu hangoluan salelenglelengna, suang songoni do marhite mangaradoti HataNa do taboto dia do dalan tu hangoluan dohot tu hamatean, Hata ni Debata do na mamboan hita manjalo hasesean ni Dosa. Jala taingot do Hata ni Debata do salah satu point ni si Marthin Luther patupahon Reformasi Gereja i ma back to the bible (Sola scriptura).

      Alani i do unang tabahen margabus Tuhan Jesus marhite na so olo hita mangulahon dohot mangaradoti HataNa. Ndang adong alasanta na mandok ndang boi taradoti hita HataNa, alana dijolo ni perikopenta on pe nunga dipangido Tuhan Jesus tu Debata asa adong na mangurupi hita laho mangaradoti HataNa i ma marhite pangurupion ni Tondi ni Debata (Yohanes 16 : 4 – 15). Antong hita ma tabahen do Tuhan Jesus margabus hape nunga dilehon tu hita na mansai arga i ma haluan sian dosa, jala nunga parjambar hita diharajaonNa, suang songon i do nunga didok Debata ngolunta Tuhan i do nampunasa dang be sibolis i (dosa).

3.       

VI.    Tangiang Pangondianon

VII.  Marende B. E. No. 730 : 1 – 4

VIII.    Tangiang Panutup