MARHAPORUSAN TU JAHOWA

MARHAPORUSAN TU JAHOWA 

(PSALM 71 : 1 – 11)

1.      Marende B.E. No. 4 : 1 + 3 “Sai Puji Debata”

2.      Turpuk : Psalm 71 : 1 – 11

Torop do halak mabiar gabe matua, alana jotjot panghilalanna negatif tu halak namatua (lansia). Di hilala rohana do ndang marlapatan be ngoluna, gale, dang adong semangat ni ngolu, jotjot mangadopi angka sahit, pikun, jala ndang apa diparrohaon angka natorop be, jala gabe boban tu angka na humaliang, dohot angka na asing dope. Boi do tarjalo roha i, alana dung masuk sasahalak tu usia masa lansia adopanna do angka perubahan – perubahan baik secara fisik dohot mental. Alai na gabe siparhusorhusoronta, boa? Boi do pasidingonta kondisi songon i? Jala marlapatan do ngolu ni angka na matua? Boa do hita mangadopi kondisi asa monang hita?

Suang songon i do par psalm di bagasan turpukta on, dihilala ibana kondisi na hassit, mabiar, lomos jala na gamang ditingki diadopi ibana kondisi memamongoti masa lansia (matua). Pola do parpsalm mangelek tu Debata di bagasan endena asa unang dibolongkon jala ditadinghon Debata ibana molo dung matua manang ubanon ibana suang songoni do molo suda gogona (ay.9).

Tangkas do di tanda parpsalm Debata, i do umbaen dihatindanghon ibana do haporseaonna taringot tu panghophopan ni Debata di ngoluna i ma sian bortian ni inongna nunga dihophop Debata ibana (ay.6). Dang hea ditadinghon Debata ngoluna, tangkas do Debata mangurupi ibana jala paluahon ibana sian angka hamaolon ni ngoluna. Bahkan marlapatan dope ngoluna di adopan ni Debata, tarida do i na tongtong dope diparar jala dihalomohon Debata dope puji – pujian haruar sian pamanganna (ay.8).

Marhite hatorangan na ginjang i, tangkas ma tahatindanghon satia do Debata manghophop ngolu ni angka naung pinarhamaolna, jala arga dohot holong situtu do RohaNa tu angka na tongtong marhaporusan tu Ibana. Jala porlu do ingotanta ndang marnida kondisi ni fisikta Debata manghophop hita, matua manang poso pe hita hot do Debata manghophop ngolunta. Jala ditingki ubanon (matua) pe hot do dipangke Debata hita laho manghobasi ulaon ni Tuhan i, diparar dope ngolu ni angka sundut na matua laho pasauthon sangkap dojot lomo ni roha ni Tuhanta. Alani hagogoon dohot bohal ni angka lansia mangadopi angka perubahan zaman dohot hamaolon tongtong marsaor dohot Debata, ala marhitehite parsaoran i do dapotnta pangurupion sian Debata.  Amen.

3.      Bahan Diskusi :

ü                  Boa do asa konsisten hita marsaor dohot Debata.

ü                  Aha do bahenonta asa marlapatan ngolunta di adopan ni jolma dohot di adopan ni Debata.

4.      Marende B.E. No. 17 : 4 “Raja Na Tumimbul”

5.      Tangiang Pangondianon

ü                  Asa tongtong marhaporusan tu Debata

ü                 Asa margogo angka lansia di hatuaonna be

6.      Marende B.E. No. 371 : 3 – 4 “Burju Ma Hita Mardalani” 

7.    Tangiang Panutup